సీఎం సభ బోర్.. మధ్యలోనే వెళ్లేందుకు ప్రయత్నించిన వారిని అడ్డుకున్న పోలీసులు (వీడియో)
దిశ, డైనమిక్ బ్యూరో : సీఎం కేసీఆర్ నేడు రంగారెడ్డి జిల్లాలో పర్యటించారు. కొంగరకలాన్‌లో కలెక్టరేట్ భవనాన్ని ప్రారంభించిన అనంతరం కేసీఆర్ బహిరంగ సభలో ప్రసంగించారు. ఈ నేపథ్యంలో కేసీఆర్ సభకు భారీగా జనం తరలివచ్చారు. వీరిలో ఎక్కువగా వృద్ధ మహిళలే ఉన్నారు. ఇటీవల కేసీఆర్ సభకు వచ్చిన జనాలకు రూ.500 కూలీ ఇచ్చిన వీడియో వైరల్ కాగా.. తాజాగా మరో వీడియో సోషల్ మీడియాలో హల్‌చల్ చేస్తుంది. కేసీఆర్ ప్రసంగిస్తుండగా సభ మధ్యలోనే జనాలు వెళ్లిపోయేందుకు ప్రయత్నించగా.. వారిని పోలీసులు అడ్డుకునే ఓ వీడియో నెట్టింట వైరల్ అవుతుంది. కొంత మంది మహిళలు సభ మధ్యలోనే వెళ్లిపోయేందుకు ప్రయత్నించగా... అక్కడే ఉన్న మహిళా పోలీసులు వారిని అడ్డుకుని, సభ లోపలికి పంపించారు. వారు వెళ్లిపోడానికి ఎంత ప్రయత్నించినా.. మహిళా పోలీసులు వారిని అడ్డుకున్నారు. కాగా, పోలీసులు ఎంత ప్రయత్నించినా చివరకు జనాలు సభ నుండి వెళ్లిపోయారు. దీంతో, సభలో కుర్చీలే కనిపించాయి. దీనికి సంబంధించిన మరో వీడియో కూడా నెట్టింట వైరల్ అవుతుంది.
సీఎం సభ నుండి బయటకు వెళ్తున్న జనాలను అడ్డుకుని లోపలికి పంపుతున్న పోలీసులు. pic.twitter.com/Kc5bKAJtKQ
— keshaboina sridhar (@keshaboinasri) August 25, 2022
*రంగారెడ్ది జిల్లా సీఎం మీటింగ్* దేవుడా pic.twitter.com/JMNJugEFhc
— keshaboina sridhar (@keshaboinasri) August 25, 2022
